Traditional Scottish Songs
- Football Crazy

Robin Hall and Jimmy Macgregor are well known for their humorous song "Football Crazy" about "Jock McGraw" who joined a football club and became over-enthusiastic about the game. There are other, earlier versions, including this one. It was transcribed by Adam McNaughton who credits the song to James Curran, written around 1885 when he called it "The Dooley Football Club".

   Football Crazy

You all know my big brither Jock
   His right name’s Johnny Shaw.
Last week he jined a fitba’ club
   For he’s mad about fitba’.
He’s got two black eyes already,
   An’ teeth oot by the root,
Since Jock’s face came in contact
   Wi another fella’s boot.

'Cause he’s fitba’ crazy,
   He’s fitba’ mad.
The fitba it has ta’en away
   The wee bit sense he had.
And it wid take a dozen servants
   His claes tae wash and scrub,
Since Jock became a member o’
   That terrible fitba’ club

The first game he took part in,
   I wis there ma’sel’ an’ saw,
There were twa half bricks fae goalposts,
   An’ a tin can for the ba’.
The Prince of Wales wis present,
   Wi’ lords ‘n’ ladies grand -
Oor Jock he got an egg box,
   An’ he made a big grandstand.


Oh all the fitba’ teams hiv afloat,
   He swears they are the prime.
An’ you want tae hear him bounce aboot
   Their beatin’ record time.
They’ve challenged every ither side
   Nane ‘ill tak’ them up,
Since they beat the Blind Asylum
   Fir a leather plated cup.


His wife she says she’ll leave him,
   If he disnae keep
Away frae playin’ fitba’.
   At night time in his sleep,
He ca’s her Pat McGinty,
   An’ ither names sae droll.
Last night he kicked her oot the bed -
   An’ swore it wis a goal!


Return to the Index of Traditional Scottish Songs

Where else would you like to go in Scotland?

Separator line