Traditional Scottish Songs
- Johnnie Cope
Hey, Johnnie Cope, are ye wauking yet?
Or are your drums a-beating yet?
If ye were wauking I wad wait
To gang to the coals i' the morning.
Cope sent a challenge frae Dunbar:
'Charlie, meet me an' ye daur,
An' I'll learn you the art o' war
If you'll meet me i' the morning.'
When Charlie looked the letter upon
He drew his sword the scabbard from:
'Come, follow me, my merry merry men,
And we'll meet Johnnie Cope i' the morningl
'Now Johnnie, be as good's your word;
Come, let us try both fire and sword;
And dinna rin like a frichted bird,
That's chased frae its nest i' the morning.'
When Johnnie Cope he heard of this,
He thought it wadna be amiss
To hae a horse in readiness,
To flee awa' i' the morning.
Fy now, Johnnie, get up an' rin;
The Highland bagpipes mak' a din;
It's best to sleep in a hale skin,
For 'twill be a bluidy morning.
When Johnnie Cope tae Dunbar came,
They speired at him, 'Where's a' your men?'
'The deil confound me gin I ken,
For I left them a' i' the morning.
'Now Johnnie, troth, ye werena blate
To come wi' news o' your ain defeat,
And leave your men in sic a strait
Sae early in the morning.
'I' faith,' quo' Johnnie, 'I got sic flegs
Wi' their claymores an' philabegs;
If I face them again, deil break my legs!
Sae I wish you a' gude morning'.
Meaning of unusual words:
Where else would you like to go in Scotland?
All Features Index>
Search This Site>
Scottish Pictorial Calendar 2014>
Places to Visit>