Scottish Poetry Selection
- Imph-m
Imph-m
Ye've heard hoo the deil, as he wauchel'd through Beith,
Wi' a wife in ilk oxter and ane in his teeth,
When someone cried oot, 'Will ye tak' mine the morn?'
He wagged his auld tail while he cocked his horn,
But only said Imph-m! That useful word Imph-m,
Wi' sic' a big mouthfu' he couldna say - aye!When I was a laddie langsyne at the schule,
The maister aye ca'd me a dunce and a fule;
For a' that he said, I could ne'er understan'
Unless when he bawl'd, 'Jamie, haud oot yer han'!'
Then I gloom'd and said Imph-m, I glaunch'd and said Imph-m,
I wisna ower proud, but ower dour to say - aye!Ae day a queer word, as lang nebbit's himsel',
He vow'd he would thrash me if I widna spell.
Quo' I, 'Maister Quill,' wi' a kin o' a swither,
'I'll spell ye the word if ye'll spell me anither:
Let's hear ye spell Imph-m, that common word Imph-m,
That auld Scotch word Imph-m, ye ken it means - aye!'Had ye seen hoo he glower'd, hoo he scratched his big pate,
An' shouted, 'Ye villain, get oot o' my gate!
Get aff to yer seat, ye're the plague o' the schule!
The deil o' me kens if ye're maist rogue or fule!'
But I only said Imph-m, that common word Imph-m,
That auld farran' Imph-m, that stan's for an - aye!An' when a brisk wooer, I courted my Jean -
O Aron's braw Isaacs the pride an' the Queen -
When 'neath my grey plaidie wi' heart beatin' fain,
I speired in a whisper if she'd be my ain,
She blushed and said Imph-m, that charming word Imph-m,
A thousan' times better and sweeter than - aye!Meaning of unusual words:
wauchel'd=plod with difficulty
ilk oxter=each armpit
ane=one
aye=yes
langsyne=a long time ago
glaunch'd=gritted my teeth
dour=obstinate
lang nebbit's=long nosed
swither=hesitation
farran'=homely
plaidie=piece of tartan cloth worn over the shoulder
speired=asked
Where else would you like to go in Scotland?
