Scottish Poetry Selection
- My Hame
My HameI canna ca' this forest hame,
It is nae hame to me;
Ilka tree is suthern to my heart
And unco to my e'e.
If I cou'd see the bonny broom
On ilka sandy know';
Or the whins in a' their gowden pride
That on the green hill grow.
If I cou'd see the primrose bloom
In Nora's hazel glen;
And hear the linties chirp and sing,
Far frae the haunts of men.
If I cou'd see the rising sun
Glint owre the dewy corn;
And the tunefu' lavrocks in the sky
Proclaim the coming morn.
If I cou'd see the daisy spread
Its wee flowers owre the lea;
Or the heather scent the mountain breeze
And the ivy climb the tree.
If I cou'd see the lane kirk yard
Whar' frien's lie side by side;
And think that I cou'd lay my banes
Beside them when I died;
Then might I think this forest hame,
And in it live and dee:
Nor feel regret at my heart's core
My native land, for thee.
Meaning of unusual words:
unco=unknown, strange, unfamiliar
linties=linnet (a small brown finch)
Where else would you like to go in Scotland?
News & Views>
All Features Index>
Search This Site>
Scottish Pictorial Calendar>
Places to Visit>