Scottish Poetry Selection
- Good Night, An' Joy Be Wi Ye A'

Here is a poem by James Hogg, the Ettrick Shepherd, which is appropriate for the end of the year.

Good Night, An' Joy Be Wi Ye A'

The year is wearin' to the wane,
An' day is fadin' west awa;
Loud raves the torrent an' the rain,
An' dark the cloud comes doun the shaw.
But let the tempest tout an' blaw,
Upon his loudest winter horn,
Good night, an' joy be wi' ye a'-
We'll maybe meet again the morn.

O we hae wandered far an' wide,
O'er Scotia's land o firth an' fell,
An' mony a simple flo'er we've culled,
An' twined them wi' the heather-bell:
We've ranged the dingle and the dell,
The hamlet an' the baron's ha';
Now let us tak a kind farewell-
Good night, an' joy be wi' ye a'!

Ye hae been kind as I was keen,
An' followed where I led the way,
Till ilka poet's lore we've seen
O this an' many a former day.
If e'er I led your steps astray,
Forgi'e your minstrel ance for a';
A tear fa's wi' his partin' lay-
Good night, an' joy be wi' ye a'!

Meaning of unusual words:
ance for a'=once for all

Return to the Index of Scottish Poetry Selection

Where else would you like to go in Scotland?

Separator line