Scottish Poetry Selection
- The Wee Croodlin Doo

This poem about the nightly "battle" to get a lively child to settle down and go to sleep is by James Thomson.

The Wee Croodlin Doo

Will ye no fa asleep the nicht,
Ye restless little loon?
The sun has lang been oot o sicht,
An gloamin's darknin doon!
There's claes to mend, the house to clean -
This nicht I'll no win through,
An yet ye winna close yer een -
Ye wee croodlin doo!

Spurrin wi yer restless feet,
My very legs are sair,
Clautin' wi yer buffy hands,
Touslin' mammy's hair!
I've gien ye meat wi sugar sweet,
Yer little crappie's fu!
Cuddle doon, ye stoorie loon -
Ye wee croodlin doo!

Now, hushaba, my little pet,
Ye've a the warld can gie;
Ye're just yer mammy's lammie yet,
An daddy's tae ee!
Will ye never close yer een?
There's the bogle-boo!
Ye dinna care a single preen,
Ye wee croodlin doo!

Twistin roun an roun again,
Warslin' aff my lap,
An pussy on the hearthstane,
As soun as ony tap! Dickie birdie gane to rest
A asleep but you,
Nestle in to mammy's breast,
Ye wee croodlin doo!

Happit cosy, trig, an sweet,
Fifty bairns are waur,
An ye'se get fotties for yer feet
At the Big Bazaar!
An ye shall hae a hoodie braw,
To busk yer bonnie bro o, -
'Cockle shells an silver bells,'
My wee croodlin doo!

Gude be praised, the battle's by,
An sleep has won at last,
How still the puddlin feeties lie,
The buffy hands at rest!
An saftly fas the silken fringe
Aboon thy een o blue;
Blessins on my bonnie bairn -
My wee croodlin doo!

Meaning of unusual words:
wee croodlin doo=small cooing dove
Touslin=ruffled, dishevelled
Happit=wrapped up
trig=neatly dressed
fotties=baby's bootees
hoodie braw=fine sunbonnet
busk=dress up
puddlin feeties=untidy feet

Return to the Index of Scottish Poetry Selection

Where else would you like to go in Scotland?

Separator line