Scottish Poetry Selection
- The Maister and the Bairns
The Maister and the BairnsThe Maister sat in the wee cot hoose
By the Jordan's waters near,
An' the fisherfolk crushed an' crooded roon'
The Maister's words tae hear.
An' even the bairns frae the near-haun streets
Were mixin' in wi' the thrang,
Laddies an' lassies wi' wee bare feet
Jinkin' the crood amang.
But yin o' the twal' at the Maister's side
Rose up and cried alood:
'Come, come, bairns, this is nae place for you,
Rin awa' hame oot the crood.'
But the Maister said as they turned awa',
'Let the wee yins come tae Me',
An' he gaithered them roon' Him whaur He sat
An' lifted yin up on His knee.
Aye, He gaithered them roon' Him whaur He sat
An' straiked their curly hair,
An' He said tae the wonderin' fisherfolk
That crushed an' crooded there:
'Send na the bairns awa' frae Me
But raither this lesson lairn:
That nane'll win in at Heaven's yett
That hisna the hert o' a bairn.'
An' He that wisna oor kith or kin
But a Prince o' the Far Awa',
He gaithered the wee yins in His airms
An' blessed them yin an' a'.
Meaning of unusual words:
wee cot hoose=small cottage
Laddies an' lassies=boys and girls
yin o' the twal'=one of the twelve
yin an' a'=one and all
Where else would you like to go in Scotland?
News & Views>
All Features Index>
Search This Site>
Scottish Pictorial Calendar>
Places to Visit>